ჩვენი ჩაი

კომპანია „აგროექსპორტი“ 2010 წლიდან აწარმოებს მაღალი ხარისხის ქართულ დაფასოებულ ჩაის - „ელიტა“ და „ბათუმი“. სულ ასორტიმენტშია 10 დასახელების ჩაი, მათ შორის, რვა დასახელების დაფასოება ხდება ერთჯერადი გამოყენების პაკეტების, ხოლო ორი დასახელების - 100 გრ. კოლოფების სახით.
ჩაის ერთჯერადი მოხმარების კოტონის ქსოვილში დაფასოება ხდება ხელით. ჩაის პაკეტს აქვს „ქართული ხინკლის“ ფორმა. ამ დასახელებისთვის გამოიყენება კომპანიის მიერვე წარმოებული მაღალი ხარისხის, ფოთლოვანი, შავი და მწვანე ჩაი.
აჭარის ეკოლოგიურად სუფთა გარემოში დაკრეფილი 1-2 ფოთლიანი ჩაის დუყების გადამუშავება ხდება კლასიკური ტექნოლოგიით - ბუნებრივი ღნობა, გრეხა, ფერმენტაცია, შრობა 80-85 o C-ზე. თითოეულ ჩაის კოლოფში მოთავსებულია 9 ცალი ერთჯერადი გამოყენების პაკეტი.